मुक्तक

-प्रमुना पाैडेल

१
माहुरी जस्तै खोजी खोजी फुलमा डुल्नेलाई के थाहा
एउटा रुवाइ अर्कोको जिन्दगीमा फुल्नेलाई के थाहा
आैँशिको रातमा कति महत्त्वपूर्ण हुन्छ जूनको,
तर,घाम देखेपछि त्यही जून भुल्नेलाई के थाहा।।

२
अमूल्य ती आँसुका ढिक्का लुकाउन सक्नुपर्छ
अनगिन्ती मनका चोटहरू फुकाउन सक्नुपर्छ
थोरै धेरै जति आउन् जिन्दगीका पिडाहरू,
एउटा एउटा गर्दै घाममा सुकाउन सक्नुपर्छ।।

३
पाखापखेराका सम्बन्ध तोड्न परेको हो
खाएका ती वाचाकसम मोड्न परेको हो
रोजगारी गर्ने अवसर नभएपछि देशभित्र ,
अनि मात्रै हामीले देश छोड्न परेको हो।।

४
मैले तिम्रो तस्बिर छुनु परेको दिन
एउटा गल्ती हुनेछ रुनु परेको दिन
खुसीयाली जिन्दगी बितोस् तिम्रो ,
सानु म स्वर्गवास हुनु परेको दिन।।

रामेछाप
हाल:भक्तपुर, नयाँ ठिमी