मुक्तक

-तपस्या राई तेसु
१
हेर्दा चट्ट परेको कोट लगाउनेलाई मात्र घर दिइन्छ यहाँ
चुक्ता कसरी गर्छस् ? चोट लागेकालाई डर दिइन्छ यहाँ
हाम्रो नेपालमा यस्तो तरिकाले खै कसरी विकास हुन्छ
सेवा लिने बेला नभई तिर्ने बेला मात्र खबर दिइन्छ यहाँ

२
कहिले काँही सुनको सट्टा नुन ल्याउने पो हो कि ?
कति लडाउँछौ बरु लडेकालाई उठाउने पो हो कि?
तस्करी भ्रष्टाचारीमा मात्र अघि बढ्ने तिम्रा हातहरू
पछि हटाई,असल नागरिक भई देश बनाउने पो हो कि?

३
आगोको झिल्को देख्दा घर जलाउन खोज्ने दुनियाँमा
बिरामी छु भन्दा कात्रो नै ओढाउन खोज्ने दुनियाँमा
आत्महत्या गर्नु शुत्रलाई ढुङ्गा खोज्दा देउता मिल्नु हो
अरूलाई रुवाएर आफू मात्र रमाउन खोज्ने दुनियाँमा