मुक्तक

-निरा भट्टराई

१
आगो लगाउन सलाई चाहिन्न
सन्चो बनाउन दवाई चाहिन्न
मिठो बोलीले मुस्कुराइदेऊ माया
खुसी बन्न अन्त धाइन्न

२
आउँ एक छिन जूनका कुरा गरौ
मायाको मिठो धुनका कुरा गरौ
दुनियाँ जुन तालमा नाचुन् नाचुन्
हामी प्रेमको सुगन्ध छरौ

३
अरू लाई त दुः ख पर्दैन झैँ गर्छौ
आँखाबाट आँसु झर्दैन झैँ गर्छौ
फलामको ज्यान छैन कसैको
पराइको त आत्म मर्दैन झैँ गर्छौ

४
आफूलाई पर्दा मात्र हात पसार्नेहरूलाई
चिल्ला बोली बचनले पाउ मसार्नेहरूलाई
जति गरे पनि गुन नलाग्दो रैछ
दुः ख अरूलाई पर्दा सिन्को नसार्नेहरूलाई

काठमाडौँ