मुक्तक

-सरिता सेढाई 

१
कलाकार हरुको त्यो लहरमा छु म
गुमनाम खुसी खोज्ने रहरमा छु म
भाग्यले जीवनबाट हाँसो लुटीदिंदा
हाँसोको अभिनय गर्ने सहरमा छु म

२
जिन्दगीमा कठिन यात्रा गर्दागर्दै थाकें आमा
नयन भरी आँसुको मूल भर्दाभर्दै थाकें आमा
छैठौं दिनमा भाबीले भाग्य लेख्न बिर्सेपछी
जीवित शरिर पलपल मर्दामर्दै थाकें आमा

३
हरेक गते हरेक बार उस्तै उस्तै लाग्छ
जता हेर्यो उतै संसार उस्तै उस्तै लाग्छ
सोचे जस्तो मायामा मिठास नहुंदा खेरी
तिमीले गर्ने इज्जत तिरस्कार उस्तै उस्तै लाग्छ