मुक्तक

-दिपेन्द्र अर्गेजा मगर

१
मैले गुनगुनाउने हर गीतहरूमा रङ्ग तिम्रो भइदिए।
मौनताको बखतमा अदृश्य उमङ्ग तिम्रो भइदिए।
सबै कुरा पोख्नै पर्ने जरुरी कहाँ छ र यहाँ,
मेरा वाचित प्रत्येक संवाद-प्रसङ्ग तिम्रो भइदिए।

२
अपरिचित मेरा भावनाहरूमा आभास तिम्रै हुनेछ।
धडकन मेरै नाममा चलोस् तर सास तिम्रै हुनेछ।
दुरी टाढा अनि पर्खाई मात्रै लामो हो हामी बिच,
फेरि पनि माया युगान्तरसम्म खास तिम्रै हुनेछ।

३
यादहरुको सागरमा तैरिएको सुकोमल फुल बन्यै तिमी।
थकानको उच्च वितृष्णामा नै भेटिएको मुल बन्यै तिमी।
पोखेर कहाँ सक्छु र म तिम्रा अनवरत तरङ्गहरु अचेल,
गन्तव्य विहिन “म” पात्रको एक अभिन्न भुल बन्यै तिमी।