गजल

-गणेश तिमल्सिना 

आमा ढलेकै दिन छाेरा मुग्लान गयाे ,
टाेपी शिरमै छ बाकाे स्वाभिमान गयाे ।

मन्दिरमा लेखिएको थियाे सेवा नै धर्म ,
तर मन्दिर भित्रै निर्दाेषकाे ज्यान गयाे ।

राहत सँगै गयाे , दाल ,चामल , तरकारी ,
पाक्दा पाक्दै कसाैडी र ओदान गयाे ।

ऊखु गयाे, श्रम गयाे चिनी कारखानामा ,
पसिना थाप्न माइती मन्डेलामा किसान गयाे ।

न्यायकाे सपथ खाँदा आयाे राष्ट्रिय झन्डा
अपराधीलाई छुटाउन राष्ट्रिय गान गयाे ।